Ҳомиладор аёлларнинг амалдаги овқатланиши ва унинг физиологик таҳлили (Ўзбекистон Республикаси жанубий вилоятлари мисолида)

Аннотация

Диссертация мавзусининг долзарблиги ва зарурати. Бугунги кунда дунё миқёсида аҳоли турли гуруҳларининг овқатланиш сифати ва структураси ўзгариб, бу ҳол уларнинг биологик тўла қийматли оқсиллар, витаминлар ҳамда қатор минерал моддалар қабул қилиш даражасига салбий таъсир кўрсатмоқда. Айниқса, ҳомиладор аёлларнинг нотўғри ва етарли даражада овқатланмаслиги туғуруққача ва ундан кейин оғир касалланиши, ҳатто бевақт вафот этишининг сабабларидан бири бўлмоқда. Тўйиб овқатланмаслик она ва бола ўлимининг асосий омиллари-дан бирига айланмоқда. Шунга кўра, жойларда ҳомиладор аёлларнинг амалдаги овқатланишини ўрганиш ва уларнинг соғлом овқатланишини ташкил этиш юзасидан тегишли чора-тадбирларни ишлаб чиқиш муҳим аҳамият касб этади