Диабетик этиологияли сурункали буйрак касаллиги бор беморларда ренокардиал синдромни даволашни мувофиқлаштириш

Аннотация

Диссертация мавзусининг долзарблиги ва зарурияти. Ҳозирги кунда бутун дунё бўйича буйрак ва юрак патологияси тиббий ва ижтимоий жихатдан соғлиқни сақлаш тизимининг долзарб муаммоларидан бири бўлиб қолмоқда. Жаҳон соғлиқни сақлаш ташкилотининг маълумот-ларига кўра «...ҳанузгача дунё бўйлаб юрак касалликлари ўлимга сабаб бўлувчи асосий касалликлардан бирилигича қолмоқда. Бинобарин ушбу касаллик сабаб ўлаётганлар сони ҳам ошиб бормоқда...». Шу қаторда буйрак тизими касалликларига чалинганлар сони дунё аҳолиси-нинг 10%дан ортиғи ташкил этиб, уларнинг кўрсаткичи йил сайин ортиб бормоқда. Нефрология ва диабетологияда эришилган ютуқларга қарамай, диабетик нефропатия (ДН) диабетнинг кенг тарқалган асорати ҳисобланади. Юрак-қон томир ва буйрак патологиясининг узвий боғлиқлигини такидлаш мақсадида кардиоренал синдром атамаси жорий этилган. Илмий тадқиқот манбаларига кўра кардиоренал синдром-нинг (КРС) мавжудлиги юрак ва буйрак касалликларининг жадаллашишига сезиларли таъсир кўрсатиб, беморлар ҳаёт сифатини ёмонлашиши-га олиб келади ва салбий оқибатларни оғирлаштириши долзарб муаммолардан ҳисобланади