Хавфли ўсмалар эпидемиологияси ва онкологик ногиронлик тахлили

Аннотация

Диссертация мавзусининг долзарблиги ва зарурияти. Жаҳонда саноат корхоналаридан чиқадиган зарарли чиқиндилар, турли синтетик дори воситаларнинг кенг қамровли ишлатилиши, тамаки маҳсулотлари истеъмолини ортиши, пестицидларнинг кенг қамровли қишлоқ хўжалигида ишлатилиши, сурункали касалликларни ташхислаш ва даволашдаги нуқсонлар хавфли ўсмаларни тарқалиши ва ривожланишига шароит яратиш ҳамда ўлим даражасини ортишига олиб келади. Эпидемиологик тадқиқотларга қараганда «....саратоннинг айрим шакллари этиопато-генетик моҳиятини очиб бериш, иккинчи томондан саратонга қарши курашишда аниқ маълумотлар билан соғлиқни сақлаш тизими ташки-лотчиларини қуроллантириш, аҳоли саломатлигини шакллантириш учун омиллар, шароит ва бошқарилаётган жараённи назорат қилишга имкон беради...». Ҳозирги вақтда эълон қилинаётган илмий адабиётлар ва оммавий ахборот воситаларида онколог мутахассисларнинг доимий тарзда касалликни даволаш натижалари салбий ва қониқарсиз ҳолатда бўлишининг асосий сабаби – касалликнинг қуйи босқичда аниқланиши ва оқибатда бемор махсус даво муолажаларини (ташрих, радиотерапия, таргет ва кимётерапия) олиш учун асосий омил ҳисоб-ланган вақт бой берилаётганини таъкидламоқда