O‘ZBEKISTON RESPUBLIKASI TO‘LOV BALANSI, XALQARO INVESTITSIYALAR MAVQEI VA TASHQI QARZI

Аннотация

Ushbu maqolada O‘zbekiston Respublikasining 2024-yilgi to‘lov balansi ko‘rsatkichlari chuqur tahlil qilingan bo‘lib, ichki va tashqi iqtisodiy omillarning balansga bo‘lgan ta’siri yoritilgan. Asosiy e’tibor joriy operatsiyalar hisobi, savdo balansi, birlamchi va ikkilamchi daromadlar, shuningdek, to‘g‘ridan to‘g‘ri xorijiy investitsiyalar va portfel investitsiyalarning o‘sishiga qaratilgan. 2024 yilda to‘lov balansiga ijobiy ta’sir ko‘rsatgan global xomashyo narxlari, xizmatlar eksporti va moliyaviy oqimlar tahlil qilinadi. Maqolada, shuningdek, 2025-yilga mo‘ljallangan prognozlar – eksport-import dinamikasi, mehnat muhojirlarining pul o‘tkazmalari, investitsiya oqimlari va fiskal taqchillikni kamaytirish rejalari asosida to‘lov balansida kutilayotgan o‘zgarishlar ham ko‘rib chiqiladi. Tahlillar Markaziy bank, Xalqaro valyuta jamg‘armasi, Jahon banki va Davlat statistika qo‘mitasi ma’lumotlariga tayangan holda olib borilgan.