Немис, рус, ўзбек тиллари изоҳли луғатларида дипломатик терминларнинг тақдимот қилиниш масалалари

Аннотация

Мақолада ҳозирги немис, рус ва ўзбек тиллари изоҳли, электрон ва этимологик луғатларида “меморандум” терминининг тақдимот қилиниши борасида муфассал маълумот берилган. Мазкур терминнинг имло, талаффуз, маъно, лексик-грамматик ва этимологик хусусиятлари қиёсий аспектда таҳлил қилинган. Маълумки, халқлар, миллатлар ва давлатлар ўртасида ўзаро муносабатлар ривожланар экан, илм-фан, техника, саноат, айниқса, жамият ривожга юз тутади. Ана шу жараёнда тилнинг аҳамияти ниҳоятда каттадир. Зеро, барча жараёнлар тил воситасида юзага чиқади. Ўзаро алоқага киришишда сиёсий-иқтисодий, маънавий-маърифий, маданий алоқалар ва савдо-сотиқ ишларини йўлга қўйишда ўзаро муроса ва келишувга эришиш ҳамда уларни расмийлаштириш масалалари муайян тил бирликлари, сўз ва иборалар, тушунчалар доирасида амалга оширилади.