MASHINASOZLIK TEXNOLOGIYASI (maxsus kurs)

Аннотация

Mashinasozlik tarmog‘i respublikamizda nafaqat istiqbolli sanoat tarmog‘i sifatida etakchi o‘rin tutadi, balki u fan-texnika yutuqlari, xususan, innovatsion ishlanmalarni o‘zida tadbiq etuvchi hamda ishlab chiqarish tarmoqlarini zamonaviy texnologiyalar bilan ta'minlab turuvchi sanoat tarmog‘i sifatida milliy iqtisodiyotni rivojlantirishda dolzarb iqtisodiy ahamiyat ham kasb etadi. Milliy iqtisodiyotni barqaror rivojlantirishda mashinasozlik tarmog‘ining taraqqiyoti alohida ahamiyatga ega. "2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi"da tarkibiy o‘zgartirishlarni chuqurlashtirish, milliy iqtisodiyotning etakchi tarmoqlarini modernizatsiyalash va diversifikatsiyalash hisobiga uning raqobatbardoshligini oshirish masalasi ko‘zda tutilgan. Ushbu vazifaning samarali amalga oshirilishi aynan mashinasozlik tarmog‘ini yanada taraqqiy ettirish va undagi tarkibiy o‘zgarishlarni baholab borishni talab etadi. CHunki milliy iqtisodiyotda tarkibiy va texnologik o‘zgarishlarni amalga oshirish birinchi navbatda mashinasozlik tarmog‘ining taraqqiyotiga bevosita bog‘liqdir.