Bo`lajak boshlang`ich sinf o`qituvchilarini kasb tanlash ishiga tayyorlashning pedagogik asoslari

Аннотация

O'quvchi-yoshlarni kasb tanlashga yo'naltirish nafaqat mehnat tarbiyasining tarkibiy qismi bo'lib qolmay, balki tarbiyaning barcha ijtimoiy institut (maktab, oila va keng jamoatchilik)larning muhim tarbiyaviy ish bo'g'ini hamdir. Yoshlarni kasbga yo'llash ishi mehnat resurslarini mamlakat xalq xo'jaligida oqilona taqsimlashga, yoshlarga hayot yo'lini tanlashga sezilarli yordam berishiga qaratilgan. Shu boisdan ham kasb tanlashni ijtimoiy boshqarishning muhim ob‘ekti sifatida qarash zarur. U kompleks xarakterga ega bo'lib, ijtimoiy hayot sohasida amalga oshiriladi, ob‘ektiv ijtimoiy-iqtisodiy sharoitlar va shaxsning sub‘ektiv xususiyatlarini birlashtiradi hamda jamiyatning o'quvchilarning kasb tanlashga maqsadga qaratilgan ta‘sirini amalga oshiradi. Kasb tanlash tizimini takomillashtirishga , uni bir maromda harakat qiluvchi organizmga aylantirishga ehtiyoj juda katta. Mazkur faoliyatning muhim sharti maktab, oila va keng jamoatchilik, ishlab chiqarish jamoasining o'zaro hamkorlik darajasi kasb tanlash ishini muvofiqlashtirish, o'quvchilarning bo'lajak faoliyatini, kasbni tanlashga rejali tayyorlash orqali amalga oshiriladi.