Бошланғич синф ўқувчиларини эстетик тарбиялашда бадиий ижоднинг инновацион технологиялари

Аннотация

Жаҳон таълим тизимида ўқувчи шахсини санъат асарлари воситасида шакллантириш ва ривожлантириш, умуминсоний қадриятлар билан яқиндан таништириш, гўзаллик ва яхшиликни қадрлашда эстетик дид ва ижодий фаолликни рағбатлантирувчи педагогик технологияларга алоҳида эътибор қаратилмоқда. Айниқса, артпедагогик ва арттерапевтик технологиялардан фойдаланишга алоҳида эътибор қаратилиб, Америка арттерапия ассоциацияси, Буюк Британия арттерапевтлар уюшмаси, Европа арттерапия таълими консорциуми, Россия арттерапия ассоциацияси томонидан таълим олувчиларнинг психоэмоционал ҳолатига терапевтик ва коррекцион таъсирни ҳисобга олган ҳолда мусиқа терапияси, вокалотерапия, изотерапия, библиотерапия, имаготерапия усулларидан комплекс фойдаланишга аҳамият қаратилмоқда.