Туристик хизматлар экспортини диверсификация қилишнинг концептуал йўналишлари

Аннотация

Жаҳон экспорти таркибида туристик хизматлар ѐқилғи, кимѐ саноати, озиқ-овқат ҳамда автомобиль саноати экспортидан кейин бешинчи ўринни эгаллаганлиги унинг иқтисодиѐт тармоқлари ривожланишига сезиларли даражада таъсир кўрсатаѐтганлигидан далолат беради. Хорижий давлатлар ўз миллий туристик маҳсулотини диверсификация қилиш асосида туристик хизматлар экспорти ҳажмини мунтазам ошириб боришга жиддий эътибор қарата бошлади. Туризм соҳасида олиб борилаѐтган илмий тадқиқот ишларида ҳам жаҳон олимлари айни масалаларнинг маркетинг стратегиялари ва инвестицион бошқарув жиҳатларига алоҳида урғу бермоқда. Туристик хизматлар экспортини диверсификация қилишни такомиллаштириш масалалари ҳам хорижий тадқиқотчиларнинг илмий ишларида ўз аксини топган.