Ўзбекистонда муқобил молиялаштириш бозорини ривожлантириш

Аннотация

Жаҳонда илғор хорижий мамлакатлар иктисодиёти ўз ривожланишида молиялаштириш масаласида турли мураккаблик ва муаммоларга дуч келмокда. Жаҳон молиявий инқирози бутун дунёнинг банк-молия бозорига жуда катта таъсир кўрсатди. Илғор хорижий мамлакатлар банклари ўзларининг рискларини камайтириш максадида инвестициялар ва капитал қўйилмаларини кескин тарзда қискартирмокда ва албатта, бизнес вакиллари буни ўзларида сезиларли даражада хис этдилар. Бундай шароитда молиялаштиришнинг анъаиавий усуллари ва манбаларига нисбатан уларнинг муқобил вариантларини қидириб топиш алоҳида аҳамият касб этмокда. Бу жиҳатдан олиб каралганда, муаммонинг диккатга сазоворлиги шундаки, жаҳон амалиётида аллақачонлардан буён молиялаштиришнинг муқобил вариантларидан етарли даражада фойдаланиб келинмокда. "Илгор хорижий мамлакатларда муқобил молиялаштириш бозори 20 йилдан бери мавжуд бўлиб, улкан ривожланишга эришди. АҚШда муқобил молиялаштириш бозори 44,3 млрд, долларга, Европада 36,0 млрд, долларга, Осиё муқобил молиялаштириш бозори эса 361,0 млрд, долларга баҳоланмокда”. Илгор хорижий мамлакатлари тажрибаси юқори инвестициявий қийматга эга муқобил молиялаштириш бозорини ривожлантириш зарурлигини курсатмокда.