Ўзбекистон республикаси тижорат банклари депозит базасини мустаҳкамлаш

Аннотация

Тижорат банклари депозит базасининг мустахкамлиги халқаро амалиётда банкларнинг молиявий барқарорлиги тарзида қўлланилади. «Молиявий барқарорлик молиявий муассасалар, молия бозорлари ёки молия ипфратузилмалар маблағларининг эндоген таъсирлар остидаги рискларга бардошлилик даражасидир». Халкаро ва маҳаллий банк амалиётида тижорат банклари молиявий барқарорлигидан, нафақат тижорат банклари балки Марказий банклар қам кучли ва табиий жиҳатдан манфаатдордирлар. Бироқ, кейинги йилларда халқаро молия институтларида ҳар 5-10 йилда рўй борадиган молиявий-иқтисодий инқирозлар дунёнинг барча мамлакатлари банклари молиявий муносабатларида қатор муаммоларни келтириб чиқармокда. Хусусан, «дунё миқёсида глобал молиявий инқироздан олдин, 93 мамлакатда чорак аср мобайнида молиявий муассалаларда 117 марта тизимли ва 50 дан ортиқ жиддий молиявий муамммолар юз берди». Мазкур инқироз ҳолатлари миллий ва халқаро даражада тижорат банклари молиявий барқарорлигини таъминлаш, уларнинг ресурс салохиятини янада мустаҳкамлаш юзасидан аниқ талаблар қўйишни тақозо этади.