Glycyrrhiza glabra, amaranthus hypochondriacus ва vitis vinifera ўсимликларини қайта ишлашнинг иккиламчи маҳсулотларидан биологик фаол моддаларни флюид экстракция қилиш технологиялари

Аннотация

Диссертация мавзусининг долзарблиги ва зарурати. Дунёда фитопрепаратлар ишлаб чиқариш кўламини кенгайтириш мақсадида, синтетик аналогларига нисбатан самарадорлиги юқори, зарари камлиги ва аллергия чақирмаслиги билан ажралиб турувчи биологик фаол бирикмаларнинг янги манбаларини излаш тиббиёт ва фармацевтиканинг муҳим йўналишларидан бири ҳисобланади. Бундай хусусиятларга эга бўлган дори воситаларини турли касалликларнинг олдини олиш ва даволашда узоқ муддат давомида қўллаш мумкин, чунки уларнинг ножўя таъсирларни келтириб чиқариш ҳавфи кам ҳисобланади. Бугунги кунда жаҳон миқёсида доривор ўсимликлардан биологик фаол моддаларни ажратиш, дори воситалари субстанцияларини олиш, олинган субстанциялар технологик жараёнларининг босқичли назоратини амалга ошириш, биологик фаоллигини аниқлаш ва технологияларини ишлаб чиқиш долзарбдир