Oʻquvchilarda vokal-xor malakalarini shakllantirish

Аннотация

Mamlakatimizda ma’naviy me’ros, milliy va umuminsoniy qadriyatlarga e’tibor kuchayib, oʻsib kelayotgan yosh avlodni shu qadriyatlar ruhida har tomonlama yetuk, ma’nan yuksak, komil ison qilib tarbiyalash bugungi kunning muhim vazifalaridan biriga aylangan. Shunga koʻra, umumiy oʻrta ta’lim maktablarida darslarni mazmunli tashkil etish bilan bir qatorda milliy an’analarimizni oʻquvchi-yoshlarning qalb-u shuuriga singdirish har bir pedagogning vazifasi hisoblanadi. Umumta’lim maktablarining boshlangʻich sinflarida oʻqitiladigan fanlar dasturi va darsliklari koʻplab xalq ogʻzaki ijodiyoti namunalari bilan bir qatorda xalq qoʻshiq aytimlari hamda bolalar xoriga oid namunalarga tayanib tuzilgan. Demak, ta’limning ilk davrlaridan boshlab bolalarga bunday namunalarni oʻrgatish, ijro ettirish jarayonida ularga ogʻzaki an’analardagi yetakchi janrlari, tuzilishi, ijro uslublari haqida eng zarur tushunchalarni berish asosiy maqsad qilib olingan