Тижорат банклари активлари самарадорлигини ошириш амалиётини такомиллаштириш

Аннотация

Диссертация мавзусининг долзарблиги ва зарурати. Жаҳонда тижорат банкларининг реал секторга йўналтирилаётган кредитлар миқдорининг ошиши, уларнинг молиявий барқарорлигини мустаҳкамлашига ва фойдасининг ҳажмига ижобий таъсир кўрсатади. Дунёда рўй бераётган пандемия, иқлим ўзгариши, молиявий-иқтисодий беқарорликлар, банклар кредит портфелида муаммоли кредитлар улушининг ортиши каби қатор ҳолатлар тижорат банклари активларидан самарали фойдаланиш имкониятини сезиларли даражада пасайтирмоқда. Жумладан, муаммоли кредитлар «2020 йилда жаҳоннинг 12 мамлакатида ушбу даража 10 фоиздан юқори кўрсаткични ташкил этиб, Сан Маринада 63,51 фоиз, Украинада 41 фоиз, Грецияда 26,98 фоиз, Қирғизистонда 10,09 фоиз бўлган». Жаҳонда банкларнинг активлари самарадорлиги ва сифатига баҳо беришда қатор мезонлар жорий этилган, шу билан бирга тижорат бaнклaридa aктивлaр ҳамда кaпитaл рентaбеллигини oшириш, стресс-тестлaш, активлар билан боғлиқ рискларни камайтириш бўйича илмий тaдқиқoтлaр oлиб бoрилмoқдa. Хусусан, тижорат банклари активлари сифатини яхшилаш, даромадлилик даражасини ошириш, кредит портфелини диверсификациялаш каби масалалар бўйича ижобий натижаларга эришилган. Лекин, замонавий шароитда тижорат банклари активлар самарадорлигини ошириш бўйича ўзига хос хусусиятлари етарли даражада тадқиқ этилмаган, буларнинг барчаси тижорат банкларида молиявий инструментлар ва кутилмаган рискларнинг таъсири билан боғлиқ масалалар юзасидан кенг қамровли тадқиқот ишларини амалга оширишни талаб этади.