Биопарчаланувчи полимер моддалар олиниши, хоссалари ва ишлатилиши

Аннотация

Қўлланилиш соҳаси бўйича келажакда катта аҳамиятга эга бўлган биополимерлар – хитин ва хитозандан полимер материалларини олиш технологияси тадқиқ қилинган. Физиологик актив биополимер-хитозан асосида полимер композициялар таркиби ишлаб чиқилган. Хитин ва хитозан полисахаридлари маҳаллий иккиламчи хом ашё ҳисобланган пилла ғумбагидан ажратиб олинган. Хитин ва хитозан полисахаридларининг хоссалари физик-кимёвий усуллар ёрдамида тадқиқ этилган ва шу билан бир қаторда улар асосида янги таркибли композиция ишлаб чиқилган. Олинган композициянинг ишлатилиш соҳалари кенг тармоқлар йўналишида кўрсатиб ўтилган.