Марказий Фарғонанинг сабзавот-полиз экинлари тўғриқанотли ҳашаротлари ҳақида

Аннотация

Мақолада Марказий Фарғона шароитида сабзавот-полиз экинларида учровчи тўғриқанотлилар фаунасига оид маълумотлар келтирилган. Тадқиқот натижалари кўрсатадики, мазкур ҳудудда чигирткаларнинг 3 та оила 14 авлодига мансуб 16 тури учрайди. Улардан помидор агроценозида 7 та, бақлажон – 4, карам ва сабзи – 6, шолғом ва лавлаги – 7 тадан, пиёз ва саримсоқ – 5 тадан, қовун – 10, тарвуз – 9 ва бодринг далаларида эса 6 та тур тарқалган. Аниқланган турлар ичида воҳа чигирткаси (Calliptamus italicus) ва Осиё чигирткаси (Locusta migratoria migratoria) кенг тарқалган. Уларнинг популяция миқдор зичлиги июннинг биринчи декадасидан июль ойи иккинчи ярмига қадар жадал кўпаяди.