Шўрланган тупроқ шароитида жўхори навлари миқдорий кўрсаткичларининг вариацияланганлиги ва детерминацияланганлиги

Аннотация

Экин майдонларининг шўрланганлиги қишлоқ хўжалик экинлари ҳосилдорлиги ва унинг сифатини паст бўлишига сабаб бўлмоқда. Ушбу масаланинг ижобий ечимларидан бири шўрга чидамли ўсимликларнинг ирсий имкониятларидан мақсадли фойдаланиш билан боғлиқдир. Бу ўринда шўрга ва қурғоқчиликка чидамли ўсимлик сифатида эътироф этилган жўхори муҳим аҳамиятга эга. Илмий манбаларда қайд этилишича жўхори навлари АҚШ, Нигерия, Ҳиндистон, Мексика каби давлатларда кенг экилади. Жўхорининг шўрга ва қурғоқчиликка чидамлилиги унинг муҳим биологик хусусиятларидан биридир.