TIBBIY FIZIKA FANIDA INTEGRATSIYALASHGAN O‘QUV MODULLARI ORQALI DIAGNOSTIKA KO‘NIKMALARINI RIVOJLANTIRISH

Аннотация

Ushbu tezisda zamonaviy tibbiy ta’limda tabiiy fanlarning, ayniqsa tibbiy fizika fanining tutgan o‘rni va diagnostika ko‘nikmalarini shakllantirishdagi roli chuqur tahlil etilgan. O‘quv jarayonida integratsiyalashgan o‘quv modullarini qo‘llash orqali nazariy va amaliy bilimlar uyg‘unligini ta’minlash, simulyatsiya texnologiyalaridan foydalanish orqali talabalarning klinik fikrlash salohiyatini rivojlantirish dolzarb masala sifatida o‘rganilgan. Muallif Termiz iqtisodiyot va servis universitetining tabiiy fanlar kafedrasida olib borilgan eksperimental tadqiqot natijalariga asoslanib, integratsiyalashgan modullarning o‘quv samaradorligini oshirishdagi afzalliklarini ilmiy asosda yoritgan. Mazkur yondashuv orqali talabalar o‘zlashtirish darajasining oshganligi, darsga nisbatan motivatsiyaning kuchayganligi, tahliliy va reflektiv fikrlash qobiliyatining shakllanishi kuzatilgan. Statistik tahlillar orqali bu o‘zgarishlarning ishonchliligi matematik jihatdan asoslab berilgan. Shu orqali tezisda tibbiy ta’limda tabiiy fanlarni zamonaviy yondashuvlar orqali o‘qitishning samaradorligi, innovatsion usullarning afzalliklari va ularni amaliyotga tatbiq etish yo‘llari ko‘rsatib berilgan.