Shavkat Rahmon she'riyatining lingvopoetikasi

Аннотация

Ma’naviyat, adabiyot, til, tarix xalqimiz hayotining ajralmas bir qismidir. Bugun jamiyatning yuksalishi iqtisodiy, siyosiy va ijtimoiy sohaning rivojlanishi, ma’naviy madaniyatimizning ravnaqida til madaniyatiga ega bo‘lishlik dolzarbdir. Ma’naviyat va madaniyatning rivojlanishi asosan adabiyot va tilning taraqqiy etishiga tayanadi. O‘zbek xalqi ham o‘z tili, urf-odati, adabiyoti, moddiy va ma’naviy boyliklariga ega bo‘lgan eng qadimgi xalqlardan biridir. U o‘zining ko‘p asrlik tarixiy hayoti davomida o‘z madaniyatini, adabiyotini va adabiy tilini yaratdi.O‘zbek adabiyotining istedodli shoirlaridan biri Shavkat Rahmonning go‘zal misralariga, qator tarjimalaridagi o‘ziga xos xususiyatlar yaqqol ko‘zga tashlanadi. Ijodkorning badiiy mahoratini boshqalardan ajratib turadigan yorqin qirralaridan biri ham tilidagi o‘ziga xoslikdir. Uning ijodida o‘xshatish, metafora, jonlantirish kabi badiiy til vositalari muhim ahamiyat kasb etadi.