O'rta ta'lim maxsus kasb-hunar ta'limi muassasalarini innovatsion boshqarishning pedagogik asoslari

Аннотация

Mustaqillik sharoitida amalga oshirilayotgan keng ko‘lamli ijtimoiy, iqtisodiy va madaniy islohotlar jamiyat hayotining barcha sohalari bo‘yicha O‘zbekiston Respublikasining jahon hamjamiyati mamlakatlari bilan integratsiyalashuviga imkoniyat yaratdi. Ta’lim sohasidagi islohotlarning mazmunida yosh avlodga ilmiy bilimlarni berish, ularda keng dunyoqarashni shakllantirish va ma’naviy-axloqiy sifatlarni tarbiyalashga nisbatan yangi talablarning belgilanganligi pedagogik faoliyatni tashkil etishga nisbatan innovatsion yondashuvni qaror toptirish zarurligini ko‘rsatmoqda. O’rta maxsus kasb –hunar ta’limining barcha bosqichlarida ta’lim va ma’naviy-ma’rifiy ishlarni tashkil etishda yuqori samaradorlikka erishish shartlaridan biri – bu ta’lim muassasalari faoliyatini tashkiliy-texnologik jihatdan to‘g‘ri va samarali boshqarilishi sanaladi. Shu sababli mustaqillik yillarida ijtimoiy talablar mohiyatidan kelib chiqqan holda ta’lim muassasalari faoliyatini samarali boshqarish masalasi dolzarblik kasb etish bilan birga, ilmiy izlanishlarning muhim yo‘nalishlaridan biri sifatida kun tartibiga qo‘yildi.