Жўхори (Sorghum vulgare(pers.)) ва Африка қўноғи (pennisetum glaukum (L.)R.Br) турли нав намуналарининг шўрланган тупроқ шароитидаги физиологик ва биокимёвий хусусиятлари

Аннотация

Бугунги кунда ўсимлик ресурсларидан фойдаланиш сезиларли миқдорда ортиб бормоқда.Аҳоли сонининг ортиши озиқ-овқат, жумладан, гўшт, сут маҳсулотлари ва бошқа соҳаларни турли маҳсулотлар билан таъминлаш учун ўсимлик хомашёси етиштирилади. Шу жиҳатдан, шўрланган ва қурғоқчил минтақаларда маҳсулдорлиги ва озуқавийлиги анъанавий турлардан қолишмайдиган янги экин турларининг физиологик, биокимёвий ҳамда галоаккумлятив хусусиятларини баҳолаш ва қишлоқ хўжалиги амалиётига жорий қилиш бир нечта агроэкологик муаммоларни самарали ечишда илмий-амалий аҳамият касб этади. Дунёда ўсимлик ресурслари генофондидан фойдаланиш муаммоси, айниқса қишлоқ хўжалигининг экологик барқарорлиги, юқори озуқавийлиги ва маҳсулдорлигини таъминлашдаги биохилма-хиллик бўйича илмий изланишлар олиб борилмоқда. Бу борада янги ўсимликларни етиштиришнинг хусусиятлари ва агроэкологияси бўйича жўхорининг (Sorghum vulgare (Pers.)) ва Африка қўноғи (Pennisetum glaukum (L.) R.Br) қимматли белгиларини аниқлаш, янги навлар яратиш, ўсимликларнинг физиологик-биокимёвий ва галоаккумулятивлик хусусиятларини аниқлаш орқали етиштиришнинг янги усулларини ишлаб чиқиш, истиқболли ўсимликларнинг ўсиш ва ривожланиш хусусиятларини аниқлаш, ҳамда турли стресс минтақаларда етиштиришнинг экологик хавфсиз технологияларини ишлаб чиқиш бўйича илмий изланишларга эътибор берилмоқда.