Банкротлик таомили сифатида суд санациясини такомиллаштириш

Аннотация

Дунёда тадбиркорлик субъектларини банкротликдан сақлаб қолиш ва уларни соғломлаштиришнинг ҳуқуқий асосларини белгилаш масаласи бозор муносабатлари шароитида тобора долзарб аҳамият касб этмоқда. Жаҳон банкининг «Бизнес юритиш – 2019» ҳисоботида тўловга қобилиятсизликни ҳал қилиш (resolving insolvency) индикатори бўйича 190 та давлатнинг ҳуқуқий асослари таҳлил қилинган бўлиб, унга кўра норматив-ҳуқуқий базанинг самарадорлиги 16 баллни, қарздорни соғломлаштириш таомилларини қўллаш индекси 3 баллни ташкил этиши лозим. Ҳисоботда келтирилган кўрсатгичларнинг банкротликни олдини олиш билан боғлиқлиги тўловга қобилиятсизлик тўғрисидаги миллий ҳуқуқий асосларни жаҳон стандартлари билан бирхиллаштириш, суд санацияси орқали қарздор тўлов қобилиятини тиклашга қаратилган нормаларни янада такомиллаштириш зарурати мавжудлигидан далолат бермоқда.