Вопросы оценки в управлении человеческим капиталом высших учебных заведений

Аннотация

Ушбу мақолада олий ўқув юртлари (кейинги ўринларда ОЎЮ деб юритилади) инсон капиталининг бошқарув тизимини иқтисодий баҳолаш вазифалари ва унга тегишли ёндашувлар аниқланган. Бундан ташқари, олий ўқув юртларининг барча тоифадаги ходимлари инсон капиталига инвестицияларнинг умумий самарадорлигини баҳолаш имкониятини берадиган ёндашуви баён қилинган. Олий ўқув юртларида инсон капиталини баҳолаш вазифаларининг расмий баёни, олий ўқув юртларининг алоҳида бўлимлари ва ходимлари инсон капиталини тавсифловчи кўрсаткичлари ишлаб чиқилган. Калит сўзлар: инсон капитали, профессор-ўқитувчилар ва маъмурий бўлим ходимларининг меҳнати натижавийлигини баҳолаш тизими, ОЎЮ инсон капиталини бошқариш тизими, инсон капиталига инвестициялар самарадорлигини баҳолаш. Аннотация: В статье освещены задачи экономической оценки системы управления человеческим капиталом высших учебных заведений (далее – ВУЗов). Кроме того, изложены подходы, дающие возможность оценить общую эффективность инвестиций в человеческий капитал сотрудников высших учебных заведений всех категорий. Разработан официальный протокол задач оценки человеческого капитала ВУЗов, индикаторы, характеризующие человеческий капитал отельных подразделений высших образовательных учреждений и их работников. Ключевые слова: человеческий капитал, система оценки результативности труда профессорско-преподавательского состава и работников административного отдела, система управления человеческим капиталом, оценка эффективности инвестиций в человеческий капитал. Кириш Ахборотлашган жамият ва билимлар иқтисодиётининг янги чақирувлари юқори малакали мутахассислар тайёрлашга тез мослашишни талаб қилади. Бу ОЎЮ ларини ижтимоий-иқтисодий тизим сифатида ўз самарадорлигини ошириш механизмларини излашга ундайди. Шу билан боғлиқ равишда, таълим муассасалари асосий ресурсларидан бири инсон капитали ҳисобланиб, у энг аҳамиятли ва қимматбаҳо иқтисодий ресурс, рақобат устунликларининг манбаидир1. Таълимнинг иқтисодий ривожланиш омили сифатидаги аҳамияти аҳоли кексайиши ва депопуляция жараёнларини эътиборга олганда, янада юқори бўлади2. Бетакрор устунликлар ҳисобига қўшимча даромад олиш кўп ҳолларда замонавий муассасаларнинг ривожланиш стратегияларини шакллантиришда эътибор объекти бўлиб қолади. 1 Богомолова И.С., Гриненко С.В., Задорожняя Е.К. Индекс человеческого развития и гендерное равенство: взаимообусловленность показателей // Проблемы управления. – 2015. – № 1. – c. 38-46. 2 Уачев В.И. Трудовой потенциал пореформенной России: социально-демографические аспекты. - М.: Экон-Информ, 2008. – 319 c.; Bogomolova I.S. Grinenko S.V., Zadorozhnyaya E.K. Development of the human capital taking into account a gender factor in Russia // Mediterranean Journal of Social Sciences. – 2015. – p. 237-244. 1/2020 (№ 00045) http://iqtisodiyot.tsue.uz 106 “Iqtisodiyot va innovatsion texnologiyalar” Ilmiy elektron jurnali. № 1, yanvar-fevral, 2020 yil Ўзбекистон Республикаси Президенти Ш.Мирзиёевнинг 2020 йил 24 январдаги Олий Мажлисга йўллаган Мурожаатномасида мамлакатимизда илм-фанни янада равнақ топтириш, ёшларимизни чуқур билим, юксак маънавият ва маданият эгаси этиб тарбиялаш, рақобатбардош иқтисодиётни шакллантириш борасида бошлаган ишларимизни жадал давом эттириш ва янги, замонавий босқичга кўтариш мақсадида 2020 йилга “Илм, маърифат ва рақамли иқтисодиётни ривожлантириш йили”, деб ном берилгани ҳам бежизга эмас3. Шу нуқтаи назардан 2020 йилда “Эл-юрт умиди” жамғармаси томонидан 700 дан зиёд олимлар, профессор-ўқитувчилар чет элга илмий изланиш ва малака ошириш учун юборилади. Келгусида грантлар миқдорини 2 баробар кўпайтириш ва тадқиқот йўналишлари кўламини кенгайтириш вазифаси қўйилмоқда. Мавзуга оид адабиётларнинг таҳлили М.Портернинг фикрича, рақобат устунлиги – бу қўйилган инвестициялардан саноат бўйича ўртачага нисбатан кўпроқ даромад ишлаб олиш лаёқатидир. Рақобат устунлиги хом ашё ресурслари, технологиялар ва миқёсдан тежамнинг мавжудлиги туфайли шаклланиб, уларни осон ўзлаштириш мумкин. Уни муассаса фаолияти таҳлили доирасида рақобат устунлигини яратиш, қимматли, тақчил ва қийин кўпайтириладиган ресурсларга эгалигига боғлиқ бўладиган ресурсли ёндашув нуқтаи назаридан қабул қилиш зарур. Ресурсларнинг мазкур турини, масалан, Т.Стюарт жисмоний активларга киритади4. Демак, инсон капитали ОЎЮ интеллектуал капиталининг бир қисми сифатида қимматли, тақчил, яхши ўзлаштирилмайдиган ҳамда суст ўринбосадиган ресурслар ва имкониятларни ўз ичига олади. Улар барқарор рақобат устунликларини шакллантириш ва юқори натижаларга эришишни таъминлайди. ОЎЮ таълим тизимининг бир қисми сифатида инсон капиталини такрор ишлаб чиқариш жараёнида бевосита қатнашади. Шу билан боғлиқ равишда, таълим муассасаларининг инсон капитали, энг аввало, корхоналар, минтақалар, мамлакат инсон капиталини шакллантиришга моддий ва номоддий ишлаб чиқаришнинг замонавий секторлари учун битираётган мутахассисларнинг керакли лаёқатлари, билим ва кўникмаларини шакллантириш орқали таъсири нуқтаи назаридан тадқиқ этилди5. ОЎЮ ларининг инсон капитал