BANK KREDITLARI ORQALI INVESTITSIYA LOYIHALARINI MOLIYALASHTIRISH VA IQTISODIY O‘SISHNI RAG‘BATLANTIRISH

Аннотация

Annotatsiya: Ushbu maqolada bank kreditlari orqali investitsiya loyihalarini moliyalashtirishning iqtisodiy o‘sishni rag‘batlantirishdagi o‘rni va samaradorligi ilmiy-nazariy va amaliy asosda tahlil qilinadi. Bugungi kunda iqtisodiy o‘sishni ta’minlash va ishlab chiqarishni modernizatsiya qilishda moliyaviy manbalarning yetarli bo‘lishi katta ahamiyatga ega. Shu nuqtai nazardan, tijorat banklari tomonidan ajratiladigan kredit mablag‘lari yirik investitsiya loyihalarini amalga oshirishning asosiy manbalaridan biri bo‘lib xizmat qiladi. Maqolada bank kreditlash mexanizmlarining investitsiya loyihalari samaradorligiga ta’siri, risklarni boshqarish usullari, moliyalashtirish manbalarining diversifikatsiyasi va davlatning tartibga solish roli chuqur yoritiladi. O‘zbekiston iqtisodiyoti misolida amaliy tajriba asosida kreditlash jarayonining hozirgi holati, mavjud muammolar va ularni bartaraf etish bo‘yicha ilmiy asoslangan tavsiyalar ishlab chiqiladi. Tadqiqot natijalari banklar orqali moliyalashtirilayotgan investitsiya loyihalarining iqtisodiy samaradorligini oshirish hamda umumiy iqtisodiy barqarorlikni ta’minlashga qaratilgan takliflarni o‘z ichiga oladi.