FOIZ STAVKASI TUSHUNCHASI VA TURLARI

Аннотация

Annotatsiya. Mazkur ilmiy maqolada foiz stavkasi tushunchasi, uning iqtisodiyotdagi o‘rni hamda foiz stavkalarining asosiy turlari keng yoritilgan. Foiz stavkasi moliyaviy bozorlarda asosiy narx ko‘rsatkichlaridan biri hisoblanib, u kredit va depozit operatsiyalari, investitsion faoliyat hamda pul-kredit siyosati orqali iqtisodiyotga keng ko‘lamda ta’sir ko‘rsatadi. Maqolada foiz stavkalarining shakllanish mexanizmi, ularning qat’iy (fiks), o‘zgaruvchan (float), oddiy va murakkab shakllari, shuningdek, nominal, real va effektiv stavkalar kabi ko‘rinishlari tahlil qilingan. Shuningdek, Markaziy bank stavkalari, bozor stavkalari va kredit/omonalarga oid foiz stavkalari o‘rtasidagi farqlar ham yoritilgan. Tadqiqot davomida foiz stavkalarining iqtisodiy agentlar faoliyatiga, ya’ni banklar, tadbirkorlar va aholi qarorlariga qanday ta’sir ko‘rsatishi tahlil etildi. Foiz stavkalarining to‘g‘ri belgilanishi makroiqtisodiy barqarorlik, investitsion muhit va bank tizimi samaradorligi uchun muhim omil ekani asoslab berildi.