BUXORO VILOYATIDA COVID-19 KASALLIGI TARQALISHIDA AHOLI HUDUDIY TAQSIMLANISHINING TUTGAN O’RNI

Аннотация

Mavzuning dolzarbligi: COVID-19 kasalligi qoʻzgʻatuvchisi boʻlgan ogʻir oʻtkir respirator koronavirus infeksiyasining (SARS-CoV-2) ning tez suratda tarqalishi, bu kasallik to’g’risidagi nafaqat klinik ma’lumotlarni , balki kasallikning ijtimoiy xususiyatlarini ham aniqlash zarurligini ko’rsatdi. Butun dunyo bo’ylab izlanishlar jarayonida COVID-19 kasalligining juda ko’plab ijtimoiy xususiyatlari aniqlandi. O’z navbatida olib borilgan tadqiqodlar tahlili orqali kasallikning tarqalishida aholining hududiy ya’ni territorial taqsimlanishining tutgan o’rni juda muhim ahamiyatga ega ekanligini ko’rish mumkin. Bu tadqiqodda bemorlarning shahar yoki qishloq aholisiga mansubligi, COVID-19 kasalligining ma’lum bir regiyonda qanday darajada tarqalganligini va tarqalish xususiyatlarini aniqlashga imkon beradi. Kasallikning tarqalishida aholi hududiy taqsimlanishning o’rni yuqori ekanligini oxirgi paytlarda butun dunyo bo’ylab sayohat qilish imkoniyatlarining qulayligi va turli xil sayohat imkoniyatlarining mavjudligi bilan bog’lash mumkin. Ayni ana shu sabab dunyo bo’ylab kasallikning yangi shtammlarini tez fursatda tarqalishiga imkon berdi. Shunday qilib, tarqalib borayotgan SARS-CoV-2 infeksiyasi ko'pincha statistik ma’lumotlarni tartiblash salohiyatiga ega bo'lgan yuqori resursli sharoitlarda aniqlansada, ularning kelib chiqishi to’liqligicha aniqlanmagan. Virusga bog’liq bo’lgan ma’lumotlarni nazorat qilishni yanada murakkablashtiradigan narsa qishloq aholisi orasida tizimli statistik kuzatuvning mavjud emasligi bo’lib hisoblanadi .