TO‘Y MAROSIMLARI LINGVISTIK HODISA SIFATIDA

Аннотация

Mazkur ilmiy ishda to‘y marosimlari lingvistik hodisa sifatida o‘rganiladi. O‘zbek xalqining boy madaniy merosida to‘y marosimlari alohida o‘rin egallaydi va ular orqali milliy qadriyatlar, urf-odatlar hamda til boyliklari namoyon bo‘ladi. Tadqiqotda to‘yga oid marosimlarda ishlatiladigan iboralar, duolar, maqollar, qo‘shiqlar va boshqa nutqiy vositalar tahlil qilinib, ularning semantik, stilistik va pragmatik xususiyatlari yoritilgan. Shuningdek, to‘y marosimlaridagi til birligi va muloqot madaniyati, turli mintaqaviy dialektlar va ularning aks etishi ham ko‘rib chiqilgan. Ushbu ish o‘zbek tili va madaniyatining uzviy bog‘liqligini ochib berishda muhim ahamiyat kasb etadi. Kalit so‘zlar: to‘y marosimlari, lingvistik hodisa, o‘zbek tili, urf-odatlar, nutqiy vositalar, muloqot madaniyati, semantika, stilistika, pragmatika, milliy qadriyatlar, dialekt.