HANAFIY FIQHI BORASIDAGI MO‘TABAR MANBALAR: ILMIY TAHLIL VA TARIXIY NAZAR

Аннотация

Islom huquqi (fiqh) musulmon jamiyatlarining diniy, ijtimoiy va huquqiy hayotini tartibga solishda beqiyos ahamiyatga ega bo‘lgan sohaga aylangan. Fiqh ilmi tarixida to‘rtta asosiy mazhab shakllangan bo‘lib, ulardan eng keng tarqalganlaridan biri bu — Hanafiy mazhabidir. Bu mazhab nafaqat tarixiy hududlarda, balki bugungi Markaziy Osiyo, Turkiya, Pokiston, Hindiston, Afg‘oniston, Rossiya musulmonlari orasida ham keng qo‘llaniladi. Hanafiy fiqhi yuksak ilmiy metodologiya asosida rivojlangan bo‘lib, uning asosiy manbalari ko‘p asrlar davomida islom huquqshunosligining poydevori bo‘lib xizmat qilgan. Ushbu maqolada Hanafiy fiqhidagi mo‘tabar manbalar, ularning mualliflari va tarixiy ahamiyati tahlil qilinadi.