“SURXONDARYO MILLIY LIBOSLARIDA TABIIY BO‘YOQLAR VA MATO ISHLATISH AN’ANALARI”

Аннотация

Mazkur maqolada Surxondaryo viloyatining milliy liboslarida tabiiy bo‘yoqlar va matolardan foydalanish an’anaviy jarayonlari tahlil qilinadi. Ayniqsa, qadimdan to hozirgacha davom etib kelayotgan mato tayyorlash, bo‘yash va ularni libosda ishlatish texnologiyalari chuqur o‘rganiladi. Surxondaryo xalqi, xususan Boysun, Denov, Sherobod, va Termiz hududlarida qo‘llanilgan tabiiy rang beruvchi o‘simliklar (masalan, jiyda bargi, pista po‘sti, anor qobig‘i) asosida bo‘yalgan matolar hamda ularning libos dizaynidagi ahamiyati ilmiy asosda tahlil qilinadi. Tabiiy bo‘yoqlarning ekologik xavfsizligi, matoga singdirilish usullari, ularning libosning estetik va madaniy qimmatiga qo‘shgan hissasi yoritiladi. Shuningdek, zamonaviy tikuvchilik va dizayn jarayonida tabiiy bo‘yoqlardan foydalanish imkoniyatlari, yosh dizaynerlar uchun ilhom manbai sifatida ko‘rib chiqiladi. Maqola doirasida mahalliy ustalar bilan olib borilgan suhbatlar, amaliy kuzatuvlar va tarixiy manbalar tahliliga asoslaniladi. Ushbu izlanish xalq amaliy san’ati va zamonaviy moda o‘rtasida uzviylikni ko‘rsatishga xizmat qiladi.