МЕТАБОЛИК СИНДРОМ ФОНИДА ИШЕМИК ИНСУЛЬТ ШАКЛЛАНИШИ, ЗАМОНАВИЙ ҚАРАШЛАР

Аннотация

Метаболик синдромнинг умумий популяцияда тарқалиши 33,4%ни ташкил этиб, ёш ўтган сари аёлларда эркакларга нисбатан кўп учрайди, ҳамда аёлларда эркакларга нисбатан инсульт хавфини оширади (Кадзуо Такахаси). Метаболик синдром - гормонал ва метаболик бузилишларнинг ўзаро бирикмаси бўлиб, юрак-қон томир шунингдек цереброваскуляр касалликларнинг ривожланиш эхтимоллигини оширувчи асосий хавф омилларидан бири ҳисобланади. Инсультга олиб келувчи хавф омиллари орасида ёш, эркак жинси, гиперлипидемия, артериал гипертония, семизлик, бош магистрал артериялари окклюзияловчи- стенозловчи шикастланишлари, чекиш ва гиподинамия устунлик қилади. Мазкур омиллар аёлларда ёшга хос гормонал ўзгаришлар даврида ишемик инсульт ривожланишида муҳим ўрин тутади. Семизлик, қон липид спектри ўзгаришлари, инсулинрезистентлик метаболик синдромга олиб келиб, қандли диабет 2 тип ва юрак- қон томир патологияларини чақиради. Эпидемиологик тадқиқотлар метаболик синдром мавжуд юрак- қон томир патологиясидан азият чекадиган аёлларда соғлом аёлларга нисбатан эстроген миқдори пасайишини кўрсатди. Менопаузал метаболик синдром (ММС) ривожланишида мухим аҳамиятни семизлик ёки ортиқча вазн ташкил этади.