MAMLAKATIMIZ XAVFSIZLIGI VA MUDOFAA SALOHIYATINI KUCHAYTIRISH MAQSADIDA OCHIQ, PRAGMATIK VA FAOL TASHQI SIYOSAT OLIB BORISH

Аннотация

Rezyume: Mazkur maqolada O‘zbekiston Respublikasining ochiq, pragmatik va faol tashqi siyosati orqali mamlakat xavfsizligi va mudofaa salohiyatini kuchaytirish masalalari ilmiy tahlil etilgan. XXI asr geosiyosiy muhitidagi tahdidlar fonida O‘zbekiston tashqi siyosatini xalqaro sheriklik, mintaqaviy barqarorlik va milliy manfaatlar asosida olib borayotganligi ko‘rsatib o‘tilgan. Tadqiqotda ilmiy-analitik, statistik, hujjatli, taqqoslovchi va ekspert baholash metodlari orqali O‘zbekistonning 2017–2023 yillarda amalga oshirgan tashqi siyosiy strategiyalari, harbiy byudjet ko‘rsatkichlari, xalqaro harbiy mashg‘ulotlardagi ishtiroki, kiberxavfsizlik bo‘yicha huquqiy asoslari hamda chegara xavfsizligiga oid yondashuvlari tahlil qilinadi. Statistik ma’lumotlarga ko‘ra, mamlakatning harbiy xarajatlari 2019-yildan 2023-yilgacha 1,7 barobarga oshgan. Maqolada, shuningdek, O‘zbekistonning SHHT, BMT, MDH, OIC kabi tuzilmalar bilan faol diplomatik hamkorligi mintaqaviy yetakchilikni mustahkamlab borayotgani, mamlakatning “Tashqi siyosat konsepsiyasi”dagi ustuvor yo‘nalishlar amaliyotda qanday ro‘yobga chiqayotganiga alohida e’tibor qaratilgan. Biz yana shu bilan birga N.A. Umurzoqovaning nash etgan ilmiy izlanishlaridan iqtiboslarimizni manbalar qismida keltirdik.