O‘ZBEKISTON O‘SIMLIKLARIDAN OLINGAN DORIVOR MODDALAR: KIMYOVIY TAHLIL VA FARMATSEVTIK IMKONIYATLAR

Аннотация

Mazkur maqolada O‘zbekiston hududida o‘sadigan dorivor o‘simliklardan ajratib olingan faol moddalarning kimyoviy tarkibi, ularning identifikatsiyasi va farmatsevtik jihatdan qo‘llanilish imkoniyatlari tahlil qilingan. Tadqiqotda asosan an’anaviy tabobatda keng qo‘llanilgan o‘simliklar misolida ularning biologik faol birikmalari, ekstraktsiya usullari va laboratoriya sharoitida o‘rganish metodlari yoritilgan. Shuningdek, dorivor o‘simliklardan olingan tabiiy preparatlarning zamonaviy farmatsevtikada tutgan o‘rni va ularni dorilar ishlab chiqarishdagi salohiyati baholangan. Ushbu maqola O‘zbekistonning boy flora zaxiralaridan samarali foydalanish imkoniyatlarini ochib berishga qaratilgan. Kalit soʻzlar: Dorivor o‘simliklar, faol moddalar, kimyoviy tahlil, farmatsevtika, biologik faol birikmalar, ekstraktsiya, an’anaviy tabobat, o‘simlik xomashyosi, tabiiy preparatlar, fitoterapiya, farmakologik xususiyatlar, O‘zbekiston florasi.