MAMLAKATIMIZ TA’LIM TIZIMIDA O‘SMIR PSIXOLOGIYASI BILAN BOG‘LIQ BO‘LGAN NORMATIV HUQUQIY HUJJATLAR TAHLILI VA SHARHI

Аннотация

O‘smirlarning san’at asarlarini ijtimoiy idrok etishining psixologik xususiyatlari bo‘yicha mahalliy ta’lim tizimining me’yoriy-huquqiy hujjatlariga e’tibor qaratadigan bo‘lsak, pedagog-psixolog faoliyatiga aloqador mavjud normativ-huquqiy hujjatlar, barchamizga ma'lumki, mamlakatimizda mustaqillikning dastlabki yillaridan, barcha jabhalarda bo‘lgani kabi, ta'lim tizimida ham kеng ko‘lamli islohotlarni amalga oshirish uchun ishlab chiqilmoqda. Birinchi prеzidеntimiz Islom Karimov tashabbusi va rahnamoligida ishlab chiqilib, hayotga izchil tatbiq etilayotgan “Ta'lim to‘g‘risida”gi qonun , “Kadrlar tayyorlash milliy dasturi” va boshqa bir qator huquqiy-mе'yoriy hujjatlar yurtimizda ta'lim-tarbiya sifatini yangi bosqichga ko‘tarish, o‘quv muassasalari moddiy-tеxnika bazasini mustahkamlash va o‘sib kеlayotgan yosh avlodning zamon talablari darajasida bilim olish, kasb-hunar egallashiga, ularni psixologik sog‘lom muhitda ulg‘ayishiga sabab xizmat qilmoqda.