BAKTERIYALARNING TUZILISHI

Аннотация

Bakteriyalar oddiy tuzilishga ega bo‘lishiga qaramay, ular o‘zlarining hayot faoliyati uchun barcha zaruriy tarkibiy qismlarni o‘z ichiga oladi. Ushbu tezisda bakteriyalarning tashqi va ichki tuzilmalari hamda ularning biologik jarayonlardagi ahamiyati haqida batafsil ma’lumot berilgan. Bakteriyalarning ekologik va biotexnologik ahamiyati katta bo‘lib, ular biosferaning deyarli barcha muhitlarida, jumladan, tuproq, suv va inson tanasida uchraydi. Shuningdek, bakteriyalarning oddiy tuzilishiga qaramay, ularning organizmga ijobiy yoki salbiy ta’sir ko‘rsatishiga oid misollar keltirilgan. Bakteriyalar hayotining o‘ziga xos jihatlari, masalan, xivchinlar va pili kabi harakatlanuvchi tuzilmalar, plazmatik membrana va hujayra devori kabi muhim elementlar, tezisda kengroq tahlil qilingan. Shuningdek, ularda joylashgan genetik material — nukleoid va plazmidlar haqida ma’lumot berilgan. Bakteriyalarning morfologiyasi va harakatlanish turlari, jumladan, monotrix, lofotrix, amfitrix va peritrix xivchinli bakteriyalar tavsifi ham o‘rganilgan.