PUL OQIMLARINI BAHOLASH ASOSIDA MOLIYAVIY QARORLARNI QABUL QILISH («BIZNESNI RIVOJLANTIRISH BANKI» ATB MISOLIDA)

Аннотация

Bozor iqtisodiyoti sharoitida tijorat banklarining moliyaviy barqarorligini ta’minlashda pul oqimlarini tahlil qilish muhim ahamiyat kasb etadi. An’anaviy moliyaviy tahlil asosan foyda va zarar ko‘rsatkichlariga asoslanadi, biroq bu usul ba'zida tashkilotning real moliyaviy holatini to‘liq aks ettira olmaydi. Pul oqimlarini baholash esa bank faoliyatidagi naqd mablag‘lar harakatining haqiqiy manzarasini ochib beradi va moliyaviy qarorlar qabul qilishda yanada ishonchli asos bo‘lib xizmat qiladi. Pul oqimlari bank faoliyatining uchta asosiy yo‘nalishini — operatsion, investitsion va moliyaviy faoliyatni qamrab oladi.