BACHADON MIOMASI BO‘LGAN BEMORLARDA HOMILADORLIKNI OLIB BORISH XUSUSIYATLARI (SURXONDARYO VILOYATI MISOLIDA)

Аннотация

Ushbu maqolada Surxondaryo viloyati hududida bachadon miomasi tashxisi qo‘yilgan homilador ayollarda homiladorlikni olib borishning klinik, diagnostik va taktik jihatlari yoritilgan. Maqolada 2021–2024 yillar oralig‘ida Termiz shahar va tumanlaridagi shifoxonalarda kuzatilgan 54 nafar homilador bemorlarning kuzatuvlari asosida statistik tahlil berilgan. Bachadon miomasining homiladorlikka ta’siri, homila rivojiga xavf tug‘diruvchi omillar, akusherlik asoratlari va ularni bartaraf etish yondashuvlari batafsil o‘rganilgan. Tadqiqotda miomaning o‘lchami, joylashuvi, soni hamda homiladorlikning trimesterlariga qarab kasallik kechishidagi farqlar tahlil qilingan. Shu bilan birga, prenatal nazorat, ultratovush tekshiruvi, laborator ko‘rsatkichlar va zamonaviy davo usullarining samaradorligi ham ko‘rib chiqilgan. Surxondaryo viloyatining iqlimiy, ekologik va demografik sharoitlari, qishloq ayollari orasida ginekologik xizmat ko‘rsatish imkoniyatlari hisobga olingan holda, real klinik manzara tahlil qilingan. Tadqiqot natijalari asosida amaliy tavsiyalar shakllantirilgan. Kalit so‘zlar: Bachadon miomasi, homiladorlik, akusherlik taktikasi, Surxondaryo, ultratovush, tug‘ruq, prenatal nazorat, perinatal xavf, miometrija, o‘sma lokalizatsiyasi, progesteron, homila rivoji.