VIRUSLI GEPATIT B VA C BILAN KASALLANGAN BEMORLARDA O’PKA SILINING KO’P DORILARGA CHIDAMLI SHAKLINING KLINIK KECHISH XUSUSIYATLARI

Аннотация

Mazkur tezisda virusli gepatit B va C bilan kasallangan bemorlarda ko‘p dorilarga chidamli o‘pka silining klinik kechish xususiyatlari tahlil qilingan. Tadqiqot natijalariga ko‘ra, gepatit virusi fonida tuberkulyoz infeksiyasining kechishi murakkablashadi, davolash jarayonida gepatotoksiklik xavfi ortadi, immun javob zaiflashadi hamda infeksiyaning surunkali shaklga o‘tish ehtimoli kuchayadi. Bunday bemorlarda silning infiltrativ-destruktiv va kavernoz shakllari ustuvor bo‘lib, jigar faoliyatidagi buzilishlar davolash rejimini individual tarzda tanlashni talab qiladi. Shuningdek, maqolada gepatoprotektorlar va antiviral vositalar bilan kompleks davolash usullarining afzalliklari yoritilgan. Kalit so‘zlar: virusli gepatit B, gepatit C, ko‘p dorilarga chidamli sil, klinik kechish, gepatotoksiklik, immunosupressiya, gepatoproteksiya, antituberkulyoz terapiya, jigar fermentlari, infeksion kasalliklar.