IJTIMOIY HIMOYA TUSHUNCHASI VA UNING VAZIFALARI

Аннотация

Ushbu maqola ijtimoiy himoya tushunchasining nazariy va amaliy asoslarini atroflicha o‘rganishga bag‘ishlangan. Avvalo, ijtimoiy himoyaning kelib chiqishi, uning jamiyat taraqqiyotidagi o‘rni va funksiyalari tahlil qilinadi. Ijtimoiy himoya tizimi tarixan ehtiyojmand qatlamlarni qo‘llab-quvvatlashga qaratilgan ijtimoiy institut sifatida shakllanganligi, uning ilk ko‘rinishlari, shakllanish bosqichlari va bugungi kunda jamiyatdagi roli batafsil yoritiladi. Maqolada, shuningdek, ijtimoiy himoyaning asosiy yo‘nalishlari — nafaqa, ijtimoiy sug‘urta, ijtimoiy xizmatlar va moddiy yordam shakllari tahlil qilinadi hamda ularning samaradorligini oshirish uchun qo‘llanilayotgan zamonaviy yondashuvlar ko‘rib chiqiladi. Muallif ijtimoiy institut sifatida ijtimoiy himoyaning jamiyatda ijtimoiy barqarorlik, tenglik va adolatni ta’minlashdagi o‘rni va ahamiyatini tahlil qiladi. Maqolada O‘zbekiston va boshqa davlatlar tajribasi misolida ijtimoiy himoya tizimining rivojlanish istiqbollari hamda uni takomillashtirish yo‘llari ko‘rsatib o‘tiladi. Maqola ijtimoiy fanlar, ijtimoiy siyosat va boshqaruv sohasidagi tadqiqotchilar hamda amaliyotchilar uchun muhim nazariy va amaliy ahamiyatga ega.