TALABALAR YUZ IFODASI VA TANA HARAKATLARIDAN FOYDALANIB DIQQAT DARAJASINI BAHOLOVCHI TIZIMLAR

Аннотация

Ushbu maqolada sun’iy intellekt va kompyuter ko‘rish texnologiyalaridan foydalangan holda talabalar diqqat darajasini baholovchi tizimlar haqida so‘z yuritiladi. Xususan, dars jarayonida talabalar yuz ifodasi, ko‘z harakati, tana holati va boshqa noverbal belgilar asosida e’tibor darajasini aniqlash imkonini beruvchi algoritmlar tahlil qilinadi. Maqolada mavjud texnologiyalar, jumladan, Emotion Recognition, Pose Estimation va Eye-Tracking modellarining ishlash prinsiplari, afzalliklari va ularni ta’lim tizimiga integratsiyalash imkoniyatlari ko‘rib chiqiladi. Shuningdek, real vaqtli monitoring va feedback mexanizmlarining ta’lim samaradorligiga ijobiy ta’siri muhokama qilinadi. Mazkur izlanishlar natijasi sifatida, zamonaviy ta’limda sun’iy intellekt yordamida talaba faolligini aniq baholash va individual yondashuvni shakllantirish bo‘yicha tavsiyalar beriladi. Kalit so‘zlar: Sun’iy intellekt (AI), Diqqatni aniqlash, Yuz ifodasi tahlili, Tana harakati (Pose Estimation), Ko‘z harakati (Eye Tracking), Kompyuter ko‘rish (Computer Vision), Emotion Recognition, Ta’limda AI, Talaba faolligi, Real vaqtli monitoring.