AHOLINING MA’NAVIY-MA’RIFIY HAYOTIDA ISLOM DININING O‘RNI

Аннотация

Mazkur maqolada islom dinining aholi ma’naviy-ma’rifiy hayotidagi o‘rni va uning jamiyatdagi ahamiyati tahlil qilinadi. Islom dini nafaqat diniy e’tiqod tizimi, balki odamlarning dunyoqarashini, axloqiy va ma’naviy qadriyatlarini shakllantirishda ham muhim rol o‘ynaydi. Maqola islom dini ta’limotining yoshlar tarbiyasiga, oila va jamiyatda tartibni saqlashga, hamda tinchlik va adolatni ta’minlashga qaratilgan g‘oyalari bilan tanishtiradi. Shuningdek, islom dini jamiyatda fuqarolarning birligini mustahkamlashda, ma’naviy-axloqiy qadriyatlarni qo‘llab-quvvatlashda o‘zining alohida o‘rniga ega ekanligi haqida so‘z yuritiladi. Islom dini va uning qadriyatlarini o‘rganish jamiyatda vijdon erkinligini ta’minlash, vatanparvarlik, o‘zlikni anglash va ma’naviyatni yuksaltirish kabi muhim vazifalarni hal qilishga yordam beradi. Kalit so‘zlar: islom dini, ma’naviyat, ma’rifat, ma’naviy tarbiya, axloqiy qadriyatlar, yoshlar tarbiyasi, adolat, sabr-toqat, ilm-fan rivoji, ijtimoiy adolat, oila qadriyatlari, jamiyat barqarorligi, halollik,mehr-oqibat.