BOSHLANG'ICH SINFLARDA ONA TILI VA OʻQISH FANINING INNOVATSION YOʻLLARI

Аннотация

Bugungi globallashuv va raqamli transformatsiya jarayonlarida ta’lim tizimining barcha bosqichlari, xususan, boshlang‘ich ta’limda yangicha yondashuvlarga ehtiyoj ortib bormoqda. Boshlang‘ich sinflarda o‘qitiladigan fanlar orasida ona tili va o‘qish alohida o‘rin tutadi, chunki aynan shu davrda o‘quvchilarda savodxonlik, nutq madaniyati, mustaqil fikrlash va muloqot ko‘nikmalari shakllana boshlaydi. Bu bosqichda berilgan ta’lim kelajakdagi bilimlarning poydevori bo‘lib xizmat qiladi. Shu sababli, boshlang‘ich ta’limda ona tili va o‘qish fanini o‘qitish uslublarini takomillashtirish, innovatsion yondashuvlarni joriy etish dolzarb vazifaga aylangan.