Таржимоннинг лисоний шахс сифатида бажарадиган фаолияти

Аннотация

Когнитология билимнинг лисоний воқеланиши жараѐнини тавсифлашни гуманитар фанлар соҳасидаги энг асосий муммолар қаторига қўяди. Ушбу муаммо замонамизда ривож топаѐтган илмий тадқиқотларнинг муҳим йўналишларини белгилаб бермоқда ва шулар қаторига семиотик бирликларнинг инсон (субъект) фаолияти билан боғлиқ ҳолда юзага келадиган моҳияти ва функционал хусусиятларини ўрганиш масаласи киради. Даставвал Ч.Пирснинг ишларида ўз аксини топган семиотик белгининг субъективлиги ҳақидаги ғоя кейинчалик унинг давомчиси Ч.Морриснинг ―Белгилар назарияси асослари‖ асарида ривожлантирилди. Белгининг табиатини семиозис жараѐни доирасидан излашни маъқул кўрган Ч.Моррис, ўз устози ажратган ―репрезентамен‖, ―десигнат‖ ва ―интерпретант‖ белгилар шакли учлиги қаторига тўртинчи омил, яъни ―интерпретатор‖ни ҳам қўшиб қўйди.