MAKTAB O’QITUVCHISINING O‘Z ILMIY, O‘QUV-USLUBIY SALOHIYATINI OSHIRISHNING PSIXOLOGIK MUAMMOLARI

Аннотация

Maqolada maktab o‘qituvchisining ilmiy va o‘quv-uslubiy salohiyatini oshirishning psixologik muammolari tahlil qilinadi. O‘qituvchining mustaqil bilim egallashi va diagnostik yondashuvlardan foydalanish zarurati asoslanadi. Pedagogning o‘z ustida ishlashga sust munosabatda bo‘lishi ta’lim sifatiga salbiy ta’sir ko‘rsatishi ta’kidlanadi. Malaka oshirish institutlari va zamonaviy ta’lim metodlarining ahamiyati yoritiladi. O‘qituvchining kasbiy o‘sishi nafaqat uning shaxsiy rivojlanishi, balki ta’lim tizimining umumiy darajasini oshirishga ham xizmat qiladi. O‘qituvchilarning o‘z ustida ishlashiga turtki beruvchi omillar va ularni rag‘batlantirish choralari muhokama qilinadi. Sharq mutafakkirlarining ilmiy qarashlari asosida pedagogning jamiyatdagi roli mustahkamlanishi zarurligi ko‘rsatiladi.