DENTAL TURIZM: ZAMONAVIY SOG‘LIQNI SAQLASHNING GLOBAL TENDENSIYASI

Аннотация

Ushbu maqolada zamonaviy sog‘liqni saqlash tizimida tez sur’atlar bilan rivojlanayotgan yo‘nalish — dental turizmning mohiyati, rivojlanish sabablari, afzalliklari va muammolari tahlil qilinadi. Dental turizm — bu bemorlarning stomatologik xizmatlardan boshqa mamlakatda foydalanish maqsadida safar qilishidir. Tadqiqot davomida dental turizmning global tendensiyalari, xizmatlar sifati va narxlaridagi farqlar, bemorlar uchun qulayliklar va xavf-xatarlar atroflicha ko‘rib chiqildi. Maqolada Tailand, Hindiston, Turkiya va boshqa yetakchi davlatlar tajribasi o‘rganilib, O‘zbekiston uchun ushbu sohada mavjud imkoniyatlar va rivojlanish istiqbollari tahlil qilindi. Natijalarga ko‘ra, O‘zbekiston dental turizm yo‘nalishida salohiyatli hudud bo‘lib, bu borada tizimli yondashuv asosida ish olib borilsa, mamlakat xalqaro stomatologik markazga aylanishi mumkin. Kalit so’zlar: dental turizm, stomatologik xizmatlar, sog‘liqni saqlash, tibbiy turizm, O‘zbekiston, narxlar farqi, sifat, xalqaro tajriba, turistik salohiyat, davolanish, sog‘liqni saqlash innovatsiyalari.