MAHALLIY TURIZMNI RIVOJLANTIRISH: ICHKI SAYYOHLIKNING IQTISODIY IMKONIYATLARI

Аннотация

Mazkur maqolada O‘zbekistonda ichki turizmning rivojlanish imkoniyatlari va uning iqtisodiyotga ta’siri tahlil qilinadi. Mahalliy turizmning ahamiyati nafaqat iqtisodiy, balki madaniy va ekologik jihatdan ham katta. Maqolada ichki sayyohlikning mahalliy biznesni qo‘llab-quvvatlash, yangi ish o‘rinlarini yaratish va mintaqalararo tenglikni ta’minlashdagi roli ko‘rib chiqiladi. Shuningdek, axborot texnologiyalarining va raqamli platformalarning turizm sohasida qo‘llanilishi, iqlim va ekologik barqarorlikni saqlash, mahalliy resurslardan samarali foydalanish masalalari yoritiladi. Ichki sayyohlikning rivojlanishiga to‘sqinlik qilayotgan muammolar, jumladan, axborot tanqisligi, transport infratuzilmasining yetarli bo‘lmasligi, va narxlarning yuqoriligi hamda ularni bartaraf etish uchun taklif etilgan yechimlar muhokama qilinadi. Maqola ichki turizmning mamlakat iqtisodiyotidagi o‘rni va kelajakdagi istiqbollari haqida batafsil fikr yuritadi va bu sohani rivojlantirish uchun zarur chora-tadbirlar, shu jumladan hududiy diversifikatsiya va madaniy identitetni saqlash muhimligini ta’kidlaydi. Kalit so’zlar: Mahalliy turizm, ichki sayyohlik, iqtisodiy imkoniyatlar, raqamli turizm, madaniy meros, ekoturizm, turizm infratuzilmasi, turizm sanoati, hududiy diversifikatsiya, ekologik barqarorlik, sayohat, axborot texnologiyalari, turizm iqtisodiyoti, mamlakat rivoji, mahalliy biznes, sayohat xizmatlari.