FRAZEOLOGIZMLAR ORQALI MILLIY XARAKTER VA MENTALITETNING NAMOYON BO'LISHI: INGLIZ VA O'ZBEK TILLARI MISOLIDA

Аннотация

Ushbu maqolada ingliz va o‘zbek tillarida qo‘llaniladigan frazeologik birliklar orqali milliy xarakter va mentalitetning qanday ifodalanishi tahlil qilinadi. Frazeologizmlar – bu xalqning tarixiy tajribasi, dunyoqarashi va hayot falsafasini o‘zida aks ettiruvchi til birliklaridir. Til har bir millatning ruhiy olamini namoyon etadi. Shu bois frazeologizmlarni solishtirish orqali xalqning fikrlash tarzi, qadriyatlari va ijtimoiy xatti-harakatlariga doir qimmatli ma’lumotlar olinadi. Bu jihatdan frazeologiya – lingvokulturologiyaning asosiy tadqiqot obyekti hisoblanadi. Maqolada ingliz va o‘zbek tillaridan olingan turli mavzulardagi frazeologik birliklar (mehnat, aqlli bo‘lish, omad, yurak, qo‘rquv, jur’at) misolida milliy xarakter va mentalitet farqlari ko‘rsatib beriladi. Tadqiqot natijalari ingliz va o‘zbek tillarining frazeologik tizimida mavjud o‘xshashliklar va farqlar orqali milliy o‘zlikning qanday namoyon bo‘lishini aniqlaydi.