TÁLIMDE ZAMANAGÓY PEDAGOGIKALIQ METODLARDAN PAYDALANIWDIŃ ABZALLIQLARI

Аннотация

This study provides information about the processes of using teaching methods in providing quality education in modern educational processes. The advantages of using new pedagogical technologies in the use of pedagogical methods are discussed. Recommendations are also given for using new pedagogical methods to improve the pedagogical skills of teachers. Keywords: Education, pedagogical skills, pedagogical methods, pedagogical research, educational methodology, teaching technology. 309 NEW RENAISSANCE 2025 APRIL INTERNATIONAL SCIENTIFIC AND PRACTICAL CONFERENCE VOLUME 2 | ISSUE 4 Respublikamızda tálim-tárbiya tarawın reformalawdıń tiykarǵı faktorlarınan biri shaxs mápi hám tálim ústinligi esaplanadı. Bul faktor mámleketimizdiń sociallıq siyasatın belgilep bergeni sebepli bilimlendiriwdiń jańa modeli jaratıldı. Multimedia sisteması bolsa materiallardı ózlestiriw tezligin biyǵárez basqarıw, kásiplik tájiriybe hám qábiletti bekkemlewshi ayrıqsha jaǵdaylardı tákirarlaw imkaniyatın beredi. Aralıqtan turıp bilim beriw kompyuter telekommunikaciyalarınıń zamanagóy texnikalıq qurallarınan paydalanıwǵa tiykarlanadı. Aralıqtan turıp oqıtıw málimleme bazasın bayıtıw, student penen mákeme arasındaǵı óz- ara múnásibetti jedellestiriw, bilimlendiriwdiń metodikalıq baylıǵın tolıqtırıw imkaniyatın beredi. Milliy baǵdarlamada bilimlendiriw mákemeleriniń materiallıq-texnikalıq hám málimleme bazasın bekkemlew hám olardı jetilistiriw, sabaqlıqlar, oqıw qollanbaları, metodikalıq usınıslardı jaratıw, bilimlendiriw procesinde pedagogikalıq texnologiyalardan paydalanıw máselelerine ayrıqsha áhmiet berilgen. Bulardı sheshiwde zamanagóy málimleme texnologiyalarınan paydalanıw arqalı jetik kadrlardı tayarlaw ayrıqsha áhmiyetke iye. Zamanagóy bilim beriwde bilim beriw procesin sezilerli dárejede ózgerttiriwshi hám bilim beriw nátiyjeliligin asırıwshı hár qıylı pedagogikalıq texnologiyalar barǵan sayın kóbirek qollanılmaqta. Universitetler de óz klasslarında jańa texnologiyalardı jedel engiziw hám qollanbaqta. Áne, usınday texnologiyalardan biri aralıqtan bilimlendiriw. Bul studentlerge sabaqqa kelmesten, tikkeley úyden turıp bilim alıw imkaniyatın beredi. Aralıqtan bilim alıwdıń bir neshe formaları bar: onlayn lekciyalar, interaktiv kurslar, vebinarlar hám basqalar. Aralıqtan oqıtıw arqalı studentler óz waqıtların hám oqıw materialların ózleri ushın qolaylı formatta beyimlesiwsheń tárizde rejelestiriwi múmkin. Pedagogikalıq teoriyanıń, sonday-aq, ámeliyattıń ótkerilgen analizi "bilimlendiriw procesindegi birge islesiw" túsiniginiń tiykarǵı mánisin túrli poziciyalardan kórip shıǵıw kerekligi haqqında belgili bir juwmaq shıǵarıwǵa imkan beredi. Oqıtıwshı hám studentler yamasa studentlerdiń bir-biri menen birgeliktegi jumısı sıpatında birgelikte úyreniwge baǵıshlanǵan bunday jumıslardıń keń sheńberin ajıratıp kórsetiw kerek. Bunnan tısqarı, birgelikte oqıw ilimpazlar tárepinen bilimlendiriw iskerliginiń bunday formasın belgilew ushın qollanılatuǵın birden-bir túsinik emes. Sonday-aq, "birgelikte oqıw jumısı," "topar jumısı" yamasa "birgelikte bólistirilgen jumıs" "toparlıq bólistirilgen jumıs" sıyaqlı atamalardan paydalanıw múmkin. Soǵan qaramastan, topardaǵı kóp tárepleme óz ara tásir mánisinde belgilengen basqa atamalarǵa salıstırǵanda eń tolıq, iskerlikke baǵdarlanǵan hám ulıwma atama sıpatında "birge úyreniw" yamasa "birgeliktegi úyreniw" sıyaqlı atamalarǵa ústinlik beriw kerek [6]. Oqıwshı-jaslardıń kolloborativlik qáliplesiwin úyreniw ushın olardıń ruwxıylıǵın hám pánge bolǵan qızıǵıwshılıǵın arttırıw kerek. 310 NEW RENAISSANCE 2025 APRIL INTERNATIONAL SCIENTIFIC AND PRACTICAL CONFERENCE VOLUME 2 | ISSUE 4 Zamanagóy oqıw procesi oqıtıwdıń barlıq shólkemlestiriwshilik formalarınan paydalanǵan halda metodlardan paydalanıw kerek. Oqıtıwshınıń student penen birgeliktegi jumıs islew sharayatında ǵana hár bir adam ushın ózine tán jeke mániske iye bolǵan birgeliktegi kolloborativ qáliplesiwdegi qatnasıqları úyreniledi. Olar belgili qatnasıqlarda, sonday-aq, oqıtıwshı hám oqıwshılardıń óz ara tásirinde, sóylew háreketlerin muwapıqlastırıwda kórinedi. Sonı aytıp ótiw kerek, eger oqıtıwshı oqıwshılar menen haqıyqıy birge islesiwdi úgit-násiyatlasa, onda sabaq ushın anıq maqsetti sonday etip qoyadı, ol islep shıǵarılıp atırǵan qarım-qatnastıń haqıyqıy maqsetlerine sáykes keledi. Oqıwshıǵa tek sabaqtıń tiykarǵı maqsetin emes, al oǵan erisiwdiń múmkin bolǵan jolın ámelge asırıw procesinde járdem beredi. Bilimlendiriwdegi tabıs dárejesi tek oqıtıwshı hám oqıwshınıń jumısın birgelikte muwapıqlastırıw menen ǵana emes, al olardıń shaxslarınıń óz-ara tásiri, sonday-aq, olar arasında qáliplesetuǵın óz-ara túsinisiw menen de baylanıslı. Oqıtıwshınıń kásiplik tayarlıǵı maqul bolǵan jaǵdayda, onıń metodikalıq, sonday-aq, óz háreketlerin maqsetke muwapıq rejelestiriw qábileti dárejesinde oqıtıw nátiyjeliligi óz-ara baylanıslı bolmaǵan qatnaslar sebepli kemeyiwi múmkin ekenligin mine usınıń menen túsindiriw múmkin. Kollaboraciyalıq qáliplesiw jaǵdayı tiykar