IKKINCHI JAHON URUSHI MUKOFOTLASH TIZIMI VA UNDA O‘ZBEKISTONLIK QAHRAMONLARNING O‘RNI (1939-1945)

Аннотация

Ikkinchi Jahon Urushi 1939-1945 yillarda dunyo tarixidagi eng yirik va eng qizg‘in urushlardan biri bo‘lib, u nafaqat siyosiy va iqtisodiy, balki harbiy jihatdan ham katta o‘zgarishlarga olib keldi. o‘zbekistonning urushdagi roli va unda jang qilgan o‘zbekistonlik qahramonlarning mehnati alohida ahamiyatga ega. Ushbu tezisda, Ikkinchi Jahon Urushi davomida o‘zbekistonlik qahramonlarning o‘rni, ular olgan mukofotlar, yurtimizning frontdagi ahamiyati, shuningdek, o‘zbekistonlik harbiylar tomonidan qo‘lga kiritilgan jangovar yutuqlar haqida so‘z boradi. Mukofotlash tizimi va undagi o‘zbekistonlik jangchilarning roli o‘rganiladi, ularga berilgan unvonlar va medallar tahlil qilinadi. Tezisda o‘zbekistonlik qahramonlarning urushdagi qatnashishi, ularga berilgan sovrinlar va yurtimizning urushdagi yutuqlariga katta e'tibor qaratiladi. Kalit so‘zlar: Ikkinchi Jahon Urushi, o‘zbekistonlik qahramonlar, mukofotlash tizimi, urushda qatnashish, medallar, unvonlar, front, jangovar yutuqlar, sovrinlar, vatanparvarlik, urushning oqibatlari.