ISTE’MOLCHILARNI SUV BILAN UZLUKSIZ TA’MINLASH EHTIMOLINI BAHOLASHNING MATEMATIK MODELI

Аннотация

Qaralayotgan ishda suv ta’minoti tizimini mavjud ishonchlilik ko'rsatkichlari (uzluksiz ishlash ehtimoli va tayyorlik koeffitsienti) bilan baholash etarli bo'lmaydi, chunki ular faqat tarmoqning tuzilishi va parametrlari bilan bog'liq bo'lib, har biri iste'molchini ta'minlashning o'ziga xos xususiyatlarini to’la hisobga olmaydi. Suv iste'moli va nosozlik holatlarning yuzaga kelishi ehtimolini hisobga olgan holda, suv ta'minoti tizimlari optimal ishlashining integratsiyalashgan matematik modellarini va ular asosida iste'molchilarni suv bilan ta'minlashning ishonchliligi ko'rsatkichlarini ishlab chiqish tadqiqotning asosiy maqsadi hisoblanadi. Uzluksiz suv iste’moli va nosozlik holatlarning barcha mumkin bo'lgan kombinatsiyalarini hisobga olgan holda suv zahirasini iste’molchilarga optimal taqsimlash muammolarini hal qilish asosida har bir iste'molchini uzluksiz suv bilan ta'minlash ehtimolini aniqlash usuli taklif qilingan va matematik model tuzilgan.