KO‘MILGAN TOK TUPLARINI OCHISHDA TAVSIYA ETILAYOTGAN ROTATSION ISHCHI ORGANGA QO‘YILADIGAN DASTLABKI TALABLARNI ISHLAB CHIQISH

Аннотация

Tok O‘rta Osiyoning deyarli barcha dehqonchilik rayonlarida, ayniqsa Farg‘ona va Zarafshon vodiylari, Toshkent, Xorazm, Qashqadaryo vohalari, Amudaryoning o‘ng va so‘l sohillarida ko‘p ekilgan. Uzumchilik sanoat ahamiyati darajasiga ko‘tarilgach, uzum mahsulotlari (shini, mayiz) atrofdagi yaqin sharq mamlakatlari, shuningdek, Volga bo‘yi sohillari bozorlariga ham olib borilgan. O‘sha davrda ekilgan uzum navlarining xilma - xilligi, tokzorlarga ishlov berish, tuplarni parvarish qilishning samarali usullari (yerni kuz va bahorda haydash, qish mavsumida ko‘mish va erta baxorda ochish, tokni payvandlash, parxish qilish, kesish, kasallik va zararkunandalarga qarshi turli eritmalarni purkash va h.k.) tokchilikning rivojlanganligidan dalolat beradi[1; 9-b].